شاب رايح يشتري الشبكه لعروسته .. فـ دخل محل الدهب هو وخطيبته و مامتها و خالتها وبنت خالتها .. هو دكتور لسه متخرج .. وكان متفق معاهم على ١٥ الف و دي امكانياته و قالهم انا مش هستلف .. لان الجنية اللي هستلفه .. هاخده من راحتي
و راحة مراتي بعدين علشان اسد الفلوس اللي عليا ..
_ العروسة نقت الدهب .. دبلة و محبس و خاتم عملوا ١٧ الف .. فجاه
_ لقي خالتها بتقول له الـ ١٧ الف بتاعتك دى مش مغطية نص صباعها
_ قالها انا كنت متفق على ١٥ و دي ب١٧ و مش عامل حسابي في زيادة علشان فيه التزامات تانية عليا وظروفى متسمحش
_ قالتله بنتنا غالية علينا و لو مكنتش تتقلها بالدهب متلزمناش ياعين امك
_صاحبنا فيه دمعة لمعت في عينه وصعبت عليه نفسه قوى وبص علي خطيبته اللي المفروض تدافع عنه لكنها بصت الناحيه التانيه
و المحل كان فيه ناس ومكانش عارف يتكلم و لا ينطق وكان محرج قوى .. فبص لمامتها و قالها انا بيني و بينكوا إتفاق .. قالتله انت برضه كلك نظر ياعينى ..
_ قالها انا فعلا كلي نظر و قال للعروسة اخلعي الدهب و رجعيه للصايغ و قالهم بنتكم عندكم ادوها للي يشتريها بدهب اكتر و ساب المحل و مشي..!!!
شارك برأيك وقول هل هو أخطأ بتسرعه ولا كويس انه خلص منهم ؟
وتبقي لنا كلمة حق للناس اللي بتوزن بناتها بالدهب..
مصر فيها حالة طلاق كل ٤ ساعات
جامعات مصر فيها ١٧ الف حالة جواز عرفي ..
النبي صلي الله عليه وسلم قال ايسرهن مهراً اكثرهن بركة
و احنا للأسف عكسنا الآية . ✍️حرام كدا يامسلمين اي رايك في التصرف ........