#قصة_وعبرة

د/ ابراهيم الفقى رحمة الله عليه كان عنده جلطة وانتقل للمستشفى .. الساعه لمآ كانت 11،5 بالليل وكان اهله خلاص مشيوآ .. اتت اليه طفلة صغيرة عمرها حوالى 9 سنين وقالت له انت متضايق !!
قال لها انا خلاص ماشى .. فقالت له تانى انت متضآيق !!
رد عليها طبعا متضايق
فالطفلة قالت له .. لازم تتقبل الهديه ☝🎁
ف د/ ابراهيم قال لها تعالى انت بتقولى ايه .. ! هديه من مين !!
الطفلة جاوبته .. هديه من الله سبحآنه وتعالى 💜
د/ ابراهيم بيقول الطفلة دى قبل ماتمشى لقنتنى درس رائع
لما الطفلة قالت له .. انا عندى سرطان بالمخ انآ يادوب واقفة وبكره عندى عملية احتمالها 1% وانا يادوب ماشية فقولت اجى ازورك والاقى حد جديد اتكلم معآه ، لو كان ربنا سبحانه وتعالى عايزنى لاعبة سله كان خلقنى 7 متر .. ولكنه خلقنى صغننة كده وعندى سرطان بالمخ عشآن اكتب الكتآب ده
( كيف تتعامل مع السرطان فى سن صغير )
فى تانى يوم الطفلة ماتت .. ولكنها لم تمت لانها سابت الكتاب ده واللى اترجم ل 30 لغة واتباع منه اكتر من 16 مليون نسخه عشان الاطفال الصغيرين يقروه فيحسوا باحساس الطفلة الصغيرة دى اللى ربنآ جابها عشآن تعلم غيرها ..
فى اليوم ده بالليل الدكتور ابراهيم .. كان خلاص مابقاش مستحمل الالم والصداع الفظيع ده لانهآ جلطه بالمخ .. فأحس ان خلاص دى سكته قلبيه هتصيبه وهيموت .. قال انه لم يضغط ع الجرس ال جنب السرير رغم ان كآن فى كتير بره وكتير متابعين حالته .. ولكنه لجأ الى الله وقال كلمتين حلوين اوى 🌼🌼
يارب وحدك العالم بحالى والالم اللى انا فيه .. فلو كان ده وقتى عجل بيه وسامحنى .. وان لم يكن وقتى فانت صاحب المعجزآت ' سبحانك قادر تقوم الروح من تانى فانا متوكل عليك ومسلم ليك امورى تسليم تام واشهد ان لا اله الا الله وان محمدآ رسول الله .. بعدها بعشر دقايق بالضبط شد الجرس .. الكل جاى جرى ..
قالهم ناولونى الروب بتاعى اقوم اتوضى واصلى .. قالوله لو اتحركت هتموت لومشيت هتموت لو وقفت هتموت ... ماتعملش حآجه خالص !!
الا ان الدكتور ابراهيم قآم وصلى .. لدرجه ان الدكاتره مآكانوش مصدقين !
حجم الجلطه كآن 2 سم نزلت ل نص سم ومحآطه بحاجز كمان 💜
اكبر الدكاترة ف العالم كآنوا مندهشين جدا .. وبيقولوا ازاى ده حصل
ماحدش بيدخل المكان ده ويطلع على رجليه ياامآ مشلول او ميت واختار انت بقا !
ولكن الله سبحانه شفاه !
لانه اتوكل على الله وسلم اموره لله لانه لم يتمسك بالحياه او يطلب الموت بل انه دعا الله ان يقضى بمآ هو خير له اذا كآن حياه او موت !
لانه كان مؤمن بان قضااء ربنآ هو الخير هو السعاده وليس مايريده هو او اللى النآس شايفينه 🌼

↩ انت بقا مكتئب ومهموم ليه .....!؟

ايا كان مكانك .. وأيآ كان شكلك وحجمك ودراستك ، وأيا كان مرضك وعجزك .. أي شىء ربنا خلقك بيه انت لست راضى عنه ، ربنا خلقك بيه عشآن هدف 💙
عشآن تعمل حاجه ، عشآن تضيف شىء
عشان تكون رائد لكل من هم فى مثل حالتك ' لكى تبقى سيرتك حتى بعد غياب صوتك ووجودک
ربنآ سبحانه بيبعتلنآ رسايل 📩 كتير وانت مش واخد بالك ..
اللى كلمك لما كنت مخنوق دى ماكنتش صدفه ..
شوفت الطفلة الصغيرة ال مآتت بالسرطان .. كآنت جايه الدنيا لهدف 💙
فكر انت كمان .. دور جواك عن الهدف اللى جيت عشآنه
بالصعب اللى تحمله فى حياتك بالمحن اللى مش قادر تعيش بيها !
من بين المحن تخرج المنح 😍
والله ان المنح لا تخرج الا من المحن '
زى ما الدهب بيخرج من بين الارض اللى هى اساس طين ' عمرك شوفت دهب بيخرج من بين دهب او شوفت دهب بيتكاثر !!

ربنا بيبعتلك رسايل كتير 💌
الشخص اللى كلمك لما كنت متضايق ماكنتش صدفه .. دى كانت هديه من ربنا !
الكلام اللى قريته لما فتحت الكتاب او فتحت كتاب ربنا ماكنتش صدفه !
الحلم الجميل اللى صحيت من بعده مطمن ماكانش صدفه
والبوست ده ... برضه ماكانش صدفه 😉⚘