K

جديد المنتدي

النتائج 1 إلى 3 من 3
  1. #1
    جهود لاتنسى
    تاريخ التسجيل
    Mar 2013
    المشاركات
    12,565
    شكراً و أعجبني للمشاركة

    افتراضي رب الناس هو اللي بيطعمهم

    منقوووووول ..
    النهارده اتأخرت في الشارع ومكنتش هلحق السحور في البيت ، فعديت اتسحر على عربية فول في الطريق في آخر مكرم عبيد بالقاهرة

    وانا بأكل لاحظت 4 شباب قاعدين على جمب وشكلهم على قد حالهم جداً وجايين من سفر أعتقد ، راح واحد فيهم جيه لصاحب العربيه ، وقاله لو سمحت يا حاج احنا على الله والله وجايين من بلد أرياف علشان ناكل عيش هنا وندور على شغل والفلوس إلى كانت معانا يدوب قضتنا مواصلات من البلد لحد هنا والله ، وعايزين نتسحر بس احنا مش شاحتين وهنرجعلك الفلوس دي اللى هناكل بيها أول ماربنا يكرمنا علي طول

    الراجل مترددش قاله يالا يبني بسرعه نادي علي صحابك دول الفجر هياذن خلاص ، عم الحاج صاحب العربيه قال لواحد شغال معاه امسحلي ترابيزه هنا بسرعه ، ونزل عيش وبصراحه ملاها من خيرات ربنا فول وبيض وسلطه وبطاطس ومياه والله ونزلهم شاي كمان وبعد ماخلصوا اداهم فلوس وخدوها بالعافيه بصراحه ، وأول مامشيوا قولتله الله يباركلك ويزيدك ، رد عليا قالي يا استاذ والله الحمد لله ربنا بيكرمني وبيردلي إلى بعمله دا اضعاف انا مش اول مره اعمل كدا ، والحمد الله ربك بيعوض علي طول انا بعمل كدا لوجه الله ومش محتاج مقابل بس والله ربنا بيكرمني

    لسه بنتكلم لقيت واحد محترم نزل من عربيه ملاكي وقاله لوسمحت انا عايز منك خدمه وفي نفس الوقت امانه ياعم الحاج ، قاله اتفضل يا بيه ، قالوا دا مبلغ مش هقولك كام ابقا شوفهم لما أمشي ، بس عايز منك اي حد تحسه محتاج يتسحر اي حد ماشي علي باب الله ومش معاه فلوس تديله ومتكلمش اكتر من كدا ومشى ، الحاج صاحب عربية الفول قالي بالحرف كدا " شوفت يااستاذ اني مش انا اللي بطعم وبأكل حد ، ربك وربي ورب الناس هو الي بيطعمهم واتاكد انك لما تعمل حاجه لوجه الله ونيتك مُخلصه ومش مستني مقابل هيتردلك اضعاف بس قول يارب "

  2. شكراً شكر هذه المشاركة عطاء داعية
  3. #2

    تاريخ التسجيل
    Feb 2019
    المشاركات
    156
    شكراً و أعجبني للمشاركة

    افتراضي

    لا اله الا الله
    قال تعالى ورحمتي وسعت كل شيء فسأكتبها للذين يتقون ويؤتون الزكاة والذين هم بآياتنا يؤمنون صدق الله العظيم.

    جزاه الله خير الجزاء
    وبارك الله فيكم.
    ربي لاتذرني فردا وأنت خير الوارثين
    أشفي زوجي وكل مريض
    وأعتق رقبة أبني أنك أرحم الراحمين وأنت القادر القدير
    اللهم ضع في طريقنا احد عبادك المؤمنين يرحمنا برحمة منك يالله.
    ربنا أنك سميع مجيب الدعاء.

  4. #3
    جهود لاتنسى
    تاريخ التسجيل
    Mar 2013
    المشاركات
    12,565
    شكراً و أعجبني للمشاركة

    افتراضي

    مرور طيب
    ورد قيم
    من الأخت
    رجوت رحمه الرحيم
    بارك الله فيكم

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •